Proverbi
- U pisci ranni, si mangia u pisci nicu. (Galatà)
- I Re sunu comu i pulici, vanu unni volunu e sucunu chiddu ca volunu. (Galatà)
- E' inutili ca' allisci e fai cannola u santu e di mammuru e non sura. (Puglisi A.)
- A pecura pi diri mee, pessi u muzzicuni. (Puglisi A.)
- Cu di sceccu ni fa mulu, u primu cauci iè dò so. (Puglisi A.)
- Cu voli và, cu non voli, manna. (Bordonaro C.)
- Cu non si voli pungiri, non tuccassi ficudinnia. (Tuccari)
- Arbulu fattu e cavulu ciurutu, nzoccu cci hai fattu fattu è pirdutu. (Tuccari)
- Diu mi ni scansi di nu malu vicinu, principianti di viulinu. (Moncada)
- A potta è apetta a cù potta. (Moncada)
- U saziu non cridi o diunu. (Puglisi A.)
- Quannu i nuvuli vannu a mari, pigghiti a truscia e vatinni a lavari. (Puglisi A.)
- L'occhiu du patruni ngrassa u cavaddu. (Puglisi A.)
- A megghiu vita, è chidda do iaddu, mangia, canta e stà a cavaddu. (Puglisi A.)
- L'omu sissantinu, lassa a fimmina e pigghia u vinu. (Moncada)
- Si voi campari l'anni di la cucca, sparda scarpi assai e linzola picca. (Moncada)
- Pignata taliata un vugghi mai. (Bordonaro)
- Cu manìa, non pinìa. (Galatà)
- Cu manìa u meli, s'allicca i manu. (Bordonaro)
- Petra cà non fà lippu, u sciumi si li tira. (Bordonaro)
- Crisciunu l'anni e crisciunu i malanni. (Bordonaro)
- L'amuri è comu u citrolu, cumincia duci e finisci amaru. (Bordonaro)
- A iatta pigghia surgi a figghia surgi pigghia, si surgi non ni pigghia vò diri ca non è sò figghia. (Monca)
- Cu avi pietà de carni di lautri, i sò si mangiunu i cani. (Galatà)
- Bon tempu e malu tempu, non dura tuttu un tempu. (Consoli)
- A squagghiata da vivi, si vidunu i purtusa. (Consoli)
- Caliti iuncu ca passa la china. (Galatà)
- Cu l'amici a ghiessiri cuntenti,si fai a cucca e nun pensi attia,mori rinvidia e nun cunchiuri nenti.
- A iaddina ca camina, torna c'à vozza china. (Bordonaro)
- Acqua, cunsigghi e sali, senza addumannati nun ni dari. (Bordonaro)
- I parenti du maritu sù amari comu l'acitu,i parenti da muggheri sù duci comu u meli. (Bordonaro).
- Cu' si marita tempu nenti, poi si penti. (O. Caruso)
- Fimmina nura, è bedda sulu dintra quattru mura. Fimmina brutta, s'è bona vistuta, vinci la megghiu fimmina spugghiata. (Caruso)
- Si ti mància a manu ritta, dinari tràsunu o vastunati 'a dari; si ti mància a manu manca, dinari nesciunu o vastunati 'a ricèviri. (Bordonaro)
- Maccarruni e scupittati....cauri cauri. (Galatà).
- A ùcca è na chitarra, e sona chiddu ca voli. (Galatà).
- Ci rissi l'acqua a petra: dammi tempu ca ti perciu. (Moncada).
- Megghiu diri cu sapi ca diri cu seppi. (La Porta).
- Cavulu vecchiu, cavulu ciurutu, chiddu ca ci aiu misu ci aiu pirdutu. (La Porta).
- Suli di finestra, e aria di fissùra, portunu l'omu alla sipultura. (Mirabella).
- U cumannari è megghiu do futtiri. (Nocilla).
- U lupu di mala cuscenza, accussì comu opera, pensa. (Galatà).
- Lu saccu, di ch'è chinu, spanni. (Pagnano).
- Fimmina cucinèra, pigghila pì mugghèra. (Caruso).
- Chiù longa è a pinsata, chiù grossa è a minchiata. (Galatà).
- Abballa, mentri a furtuna sona. (Bordonaro).
- A nivi squaghiata si vidunu i purtusa. (Bordonaro).
- I dinari fannu rinesciri. (Bordonaro).
- A Regina, avi bisognu da vicina. (Bordonaro).
- Pani schittu, cala rittu. (Bordonaro).
- L'omu a quarant'anni, o monicu o saristanu. (Vassallo).
- Cù a dari sordi ha pavari, e cù è ginta ha figghiari. (Vassallo).
- Fatti curnutu, ca a pacienzia ti veni. (Vassallo).
- La massara cerni e'mpasta, e lu furnu conza e guasta. (Galatà).
- Li fimmini schetti su comu li tuvagghi, cu ie ghè si ci voli stuiari. (Galatà).
- Aspittari e nun vinìri sunnu peni di muriri. (Galatà).
- A vita è comu a munnizza, chiù a rimini e chiù fetu fà. (Musumeci).
- U ventu na chiesa ci voli, ma na stutari i cannili ! ! (Barbaro).
- Cu sbaghia a maritari, e pigghia na mazzìra, si va ghetta a mari. (Galatà).
- Dici u saggiu: fidarisi è beni...ma non farisi futtiri è megghiu. (Bordonaro).
- Nuddu ti pigghia, si non ti rassumigghia. (Galatà).
- Si vò fari iorna cuntenti, statti luntanu de parenti. (Bordonaro).
- Nun fari mali ca è piccatu, ma mancu beni ca è sprecatu. (Bordonaro).
- A iaddina fà l'ovu e o iaddu ciabbampa u culu. (Bordonaro).
- Cu mangia, si sapi ...fà muddichi. (Bordonaro).
- Futti...futti, ca diu pirduna a tutti. (Bordonaro).
- U carbuni non macchia.....ma mascarìa. (Barbagallo).
- U vicinatu è megghiu do parentatu. (Galatà).
