Istitutori – 1957 Raimondo Cusumano

Siemmu li giovini di nobili cori
nui siemmu li miegghiu l’istitutori
nta sti beddi epuchi epuchi r’oru
nui suli aviemmu pani e lavoru

però è na cosa raveru arcifina
lu pani è di terza ma u lavoru di prima
cca dummannari ciù assai a lu diu
aviemmu lu pani e ni manca u siddiu

abbassu u cafè e la vil sicaretta
virdi e pulita e a nostra sacchetta
m’aviemmu ncumpienzu aruci retaggiu
dutati ogni giornu ott’uri i travagghiu

nui siemmu n’cuntattu ccu giovini eletti
di cuorpu sanizzi di forzi perfetti
nfatti lu statu li scegghi cu cura
fra scecchi e pudditri nta la manciatura

li sordi degradinu su fonti di vizi
viva u travagghiu ca prucura dilizi
lu picca n’abbasta lu ciù n’assupercia
chista e la nostra liggi straveccia

ppi nui diurnisti di urtima fila
sunu abbastanza li nietti uottumila
viva la vita e li principi sani
viva u travagghiu mancu a li cani
VIVRAI