|
Ccu stu cielu nnuvulatu, 1
ca macari lampìa,
unni vai ramingu e spersu
nta sta campìa?
Ccu ssa scupetta
sempre stritta o pettu,
ccu ssu tintu cani
e ccu ssu cchjù tintu firettu?
Voi iri, forsi, a cacciari?
Ma, ammenzu i cacciaturi,
cumu ti cci metti?
Cartucci cc'iai sdusati
e mira, ppi sparari, mancu nn'ai...
Comu ti pirmetti?
Megghiu ìè ca t'arrizzetti!
No vidi ca
u cunigghiu ca fui,
a ttìa sempri ti sfui?
No vidi ca
‘aceddu ca vola,
a ttìa sempri ti svola?
Lassamu iri i quagghi e i pirnici,
ca su sperti,
ma macari i llocchi ca su llocchi,
-------------------------------------------------------------------------------------
Quannu all'annùra 3
- furtunatu –
ddi du’ saittùni pigghiasti
di mancu du’ unzi,
t'avissi iù dittu,
stànniti a llatu:
"Pirchì u scifu t'allarghi
e a ucca ti 'nzunzi?"
No vidi c'arridunu tutti
e i çianchi anu larghi?
Quannu
di cacciàri t'arricogghi,
cca lingua ‘e fora
e cchi pedi storti,
cu ti vidi - ti vidi
prima ti sdilleggia
- e non cc' iavi tutti i torti –
e poi ti dici a vuci forti:
"Comu l'a pigghiatu
na dicìna di cunigghia...
na vintìna... na trintìna...
s'a tò ritìna è sempri lèggia
e a cintìgghia a torni china?
Cacciaturi senza nnocca,
babbaçiocca!
N.B. La poesia va letta seguendo la numerazione 1,2,3,4.
|
pusati fermi 2
‘‘nta spicu di porta,
a rridìri si mèntunu ppi forza
e ti diciunu 'nta facci:
"Avanti.. .spara.. .forza... !"
Cca vista ca ai curta,
e cca manu ca ai morta,
a tri metri no 'nzetti
mancu sta porta!
Dd'aricchi
ca 'nto frizzi i teni
e a tutti i mmustri
ppi tò gluriusa mastranza,
tutti u sanu
e si tènunu a panza,
c'anni fa
'nta finestra ti ppinneru
ppi duvirusa 'nzulenza,
cca manu lidda-lidda
ppi fariti a 'ngulidda,
e, comu certuni dinnu,
ppi fàriti mòriri di spinnu...
-------------------------------------------
Quannu nesci fora, 4
‘nto paisi a spassu,
non ti vardari tu u davanti
vàrditi i darrèri…
Cu ti sta vicinu a ‘mpassu,
rridennu - rridennu,
si ni pigghia spassu!
Lèvicci manu di cacciàri,
ppi ttìa autru non è
ca babbiàri...
Tu dicu 'n canzuna,
tu cantu 'n farsetto,
ditti u rusariu,
pigghiti a cruna...
A ddi valintizzi ca sbafonchi
nuddu mai cci cridi,
nuddu si n’adduna…
|
